Acutus' POV
Dalawang araw na ang nakakalipas nang mangyari ang lahat. Hindi ko akalain na sa tinagal-tagal na nawala si Bellus ay matatagpuan ko siya sa Valle Mortis bilang tagapangalaga ng kwintas. Ang kwintas na pag-aari ng pamilya namin at maaari daw makapagbigay ng buhay na walang hanggan.
Kinuha ko ang kwintas mula sa aking bulsa at matamang tinitigan ito. Ang kwintas na siyang dahilan kung bakit nagiging makasarili ang mga tao gaya na lamang ni Adamas, ang lolo ni Nitidus na siyang pumaslang sa aking buong angkan. Maswerte na lang talaga at nabuhay pa ako.
"Malalim yata ang iniisip mo," sabi ni Nitidus.
"Nitidus, ang kwintas na ito ang dahilan kung bakit nawala si Bellus. Ito rin ang dahilan kung bakit maraming buhay ang nasayang. Ayokong dumating sa puntong pati ikaw ay mawala s
