"N-Nitidus?" Napatayo si Acutus nang makita si Nitidus bago lumingon sa babaeng kanina pa niya kasama.
Tumayo ang babae habang hawak-hawak ang puting tela na ngayon ay tumatakip sa kaniyang hubad na katawan.
"Sino ka?" tanong ng babae kay Nitidus.
"Alam mo kung sino ako. Impostor!" sagot ni Nitidus sabay bunot ng kaniyang baril at tinutukan ito.
"Acutus, papatayin ako ng impostor na 'yan." Kapagkuwan ay nagtago pa ito sa likod ni Acutus.
"Ikaw ang impostor. Sino ka para gayahin ang wangis ko?" tanong ni Nitidus bago ikinasa ang baril na hawak.
"Ikaw ang siyang manggagaya. Kanina pa kami magkasama ni Acutus para pagsalitaan ako ng ganyan," depensa naman ng isa pang Nitidus.
Sa labis na pagkakapareho ng itsura ng dalawa, maging si Immitis ay naguluhan na rin at dumistansiya sa kasama
