Acutus' POV
Isang linggo na rin ang lumipas mula nang kuhanin ng Sugatzu si Nitidus. Isang linggo na rin akong walang balita sa kaniya. Sa panahong iyon ay halos mamatay ako rito sa Ludo. Ayaw akong paalisin ni Pecunia. Mas makakabuti raw na hasain ko ang aking kakayahan sa pakikipaglaban upang sa ganoon ay hindi ako mamatay sa oras na lumusob na ako sa Stamen, ang kuta ng Sugatzu, ang lugar kung nasaan si Nitidus. Ngayon ay narito ako sa aking silid at tahimik lang na pinaplano ang magiging susunod na laban ko. Oo, dahil ang Ludo ay lugar kung saan kailangan mong pumusta kapalit ng buhay mo, wala akong pagpipilian kung hindi itaya ang buhay ko kapalit ng malaking salapi at kakayahang natututunan ko bawat araw na lumilipas. Kasalukuyan kong pinupunasan ng pampakintab ang baril na ibinigay
