Kinabukasan, pakiramdam ko ay sinumpa na ako ng universe.
“Attorney Calli, puwede po bang pa-check nitong affidavit?”
“Attorney Calli, may tumatawag po sa line two.”
“Attorney, pinapatawag daw po kayo ni Atty. Ramirez.”
Sunod-sunod.
Walang pahinga.
At mas lalong nakakainis dahil kulang na naman ako sa tulog.
Kasalanan iyon ni Chadri.
Hindi dahil may ginawa siya.
Kundi dahil alas-dos na yata ako nakatulog kakaisip kung bakit parang ang dali niyang guluhin ang utak ko.
Leche.
“Hoy.”
Napalingon ako kay Denise na ngayon ay may hawak na burger habang nakasandal sa cubicle ko.
“Mukha kang iniwan.”
“Paulit-ulit naman.”
“Different flavor today.”
Napabuntong-hininga ako saka itinuloy ang pagbabasa ng dokumento.
“May tanong ako,” saad niya.
“Hm?”
“Gusto mo ba siya?”
Agad akong na
