Bandang alas-onse ng umaga nang magsimula nang magligpit sina Mama at Papa ng mga gamit para sa pag-alis ni Papa next week. Nakabukas iyong malaking balikbayan box sa gitna ng sala habang nakakalat naman sa sofa iyong mga polo, jackets, vitamins, at kung ano-ano pang ipinapabili raw ng mga katrabaho niya sa Saudi. Wala pa rin sina Line at Morris na umalis kanina para bumili ng maiinom.
Typical.
Kahit ilang taon na nagtatrabaho abroad si Papa, parang hindi nauubos iyong mga “pasabuy” culture nila.
“Anak, ilagay mo nga rito iyong medicine pouch,” sambit ni Mama habang abala sa pagtupi ng mga damit.
“Kayo na nga po,” reklamo ko habang nakaupo sa sahig at hawak iyong bubble wrap.
“Lawyer ka pero tamad ka.”
“Exactly.”
Narinig kong natawa si Chadri mula sa kabilang side ng sala kung saan
