Tahimik akong nahiga mag-isa sa kuwarto. Nakatihaya ako sa kama at nakatitig lamang ako sa ceiling fan na kanina pa umiikot doon. Hindi kasi maalis sa isip ko iyong sinabi ni Lola kanina. Base kasi sa tono ng boses niya ay parang may hindi magandang mangyayari.
Pumaling ako sa gilid at tumambad sa akin ang picture ni Mama at Papa na nakasabit sa pader. Kakakasal pa lamang nila noon. Sa pagkakatanda ko base sa kuwento ni Mama, si Papa ang unang lalaki nagustuhan niya.
Napabuntong-hininga ako. Sana lahat sa una pa lang, alam na kung sino ang makakasama habambuhay.
“Calli?”
Agad akong napalingon sa pinto ng kuwarto at nakita kong nakabukas na iyon habang nakasilip si Lola Yumi.
Mabilis akong bumangon saka naupo sa ibabaw ng kama. Ngumiti ako pagkatapos.
“Lola, bakit po?” tanong ko at pa
