Halos pagpawisan ako ng malamig dahil sa aking narinig. Ako ba ang talagang tinutukoy niya o nag-iilusyon lang ako? Iyong mga titig niyang nakapako sa aking mga mata ay parang nagbibigay ng kasiguraduhan sa akin na ako nga ang tinutukoy niya sa sinabi niya sa kaniyang ina.
“Ya skoro poznakomlyu yeye s toboy, Mama,” I will introduce her to you soon, Mama, sabi pa niya bago niya ibinaba ang tawag.
Ilang segundo bago siya muling nakapagsalita pagkatapos niyon. Parang bumubwelo pa siya kung ano ang dapat sunod niyang sabihin.
Mayamaya’y huminga siya nang malalim. Sabi niya, “Well, I really like you, Calli.”
“What if I don’t really trust people like Russians?”
Agad na kumunot ang kaniyang noo saka niya ako dahan-dahang nilapitan. Mukhang takang-taka siya sa aking sinabi. Kahit ako sa saril
