This time—
He came back.
At iyon ang problemang hindi ko alam kung paano haharapin.
Tahimik kaming nakaupo ni Chadri sa sala habang kumakain ng ice cream na pilit isinaksak ni Mama sa amin bago siya tuluyang matulog. Nakabukas pa rin iyong maliit na lamp sa gilid ng TV kaya may mahinang warm light sa buong sala.
Si Papa nama’y wala na roon. Malamang ay natutulog na rin sa kuwarto nila.
At sa wakas, kaming dalawa na lang ulit.
Leche.
Parang mas mahirap huminga ngayon kaysa kanina.
Tahimik lang akong nakatingin sa mangkok ng vanilla ice cream habang si Chadri nama’y nasa kabilang sofa. Nakasuot pa rin siya ng damit ni Papa at somehow, mas lalo lang iyong nagpapagulo sa utak ko.
Mukha siyang… kasama rito.
At ayokong masanay sa thought na iyon.
“So,” mahina niyang sambit pagkatapos
