Ngayong araw ako babalik sa office kaya naman inagahan ko talagang mag-asikaso.
Pagtingin ko sa salamin kanina ay naninibago pa rin ako sa ayos ko. Habang naglalagay nga rin ako ng makeup kanina ay naiilang pa rin ako.
Hanggang sa matapos akong mag-ayos ay ilang minuto ko pang tinignan sa salamin ang sarili ko. Sobrang laki kasi talaga ng pinagbago ko kahit na nagpagupit lang naman ako ng buhok at naglagay ng kaunting makeup.
Hindi ko na rin suot pa ang malaki kong salamin dahil lens na ang gamit ko. Tinuruan din naman ako ni Mackie ng tamang pagsuot at pagtanggal no’n.
Natakot pa nga ako no’ng first time kong magsuot no’n dahil baka mamaya ay mamali ako ng lagay o kaya naman ay matusok ko ang mata ko. Pero nairaos ko naman ang paglagay at ngayon ay medyo gamay ko na rin siyang gamitin
