Maaga nga siyang gumising kinabukasan ngunit sa kanyang dismaya ay wala na ang lalaki. Madaling-araw pa lang ay bumyahe na daw ito ayon sa mayordoma dahil pupunta ito ng New York para sa isang business meeting. Nagulat siya dahil hindi manlang iyon nasabi ng binata sa kanya. Kahit isang tawag or text ay wala din itong ipinadala sa kanya.
Pagkatapos ng kanyang trabaho sa mansyon ay nagmukmok na lang siya sa kanyang kwarto. Panay ang tingin niya sa cellphone habang nakatitig sa kanyang kisame, umaasang maalala siya ni Tristan ngunit umabot na lang ang gabi ay hindi ito nagparamdam. Mabigat ang loob na bumangon siya para magluto ng hapunan. Kakaiba talaga ang epekto ng binata sa kanya, kayang-kaya nitong pawalain siya sa sarili sa simpleng pag-iignore nito. Inaasahan na din naman niya na na
