Chapter 25
Mariposa's POV
Ipinasyal ako ni Duke sa kanilang hacienda. Hindi ko lubos maisip na ganito ka-yaman ang nobyo ko. Isang haciendero. Malayo palang kami sa lugar na patutununguhan namin ay nakikita ko na ang mga taong sasalubong sa amin. Mga trabahante ng Hacienda Alcantara. Siguro nasa singkwenta ang sasalubong sa amin, dahil ang sabi ni Duke, mga nangangalaga raw iyon ng kanilang manggahan. Hektarya ang taniman ng mangga, at kitang-kita naman. Hanggang sa maabot ng iyong tingin ay puro mangga ang tanim.
"Señorito," bungad ng isang matandang lalaki sa amin ni Duke na maganda ang ngiti. Inalis pa nito ang sumbrelo na suot para bigyan ng galang ang kanyang amo. "Kinagagalak pa namin na magawi ka dito sa hacienda." Ngayon ko lang napuna na lahat sila ay maganda ang pagkakangiti s
