Hindi ko maintindihan si Kuya kung bakit ganoon siya. Matapos ang pangyayaring iyon ay hindi na kami masiyadong nag-uusap. Nahihiya ako at natatakot na baka magalit siya sa akin.
Sabado ngayon at uuwi na kami sa mansion. Kapagka weekends na at walang schedule ng klase ay umuuwi kami. Napakabilis talaga lumipas ng panahon. Hindi ko namamalayang isang buwan na ang nakalipas. Okay naman siya at nagkaroon ako ng mga kaibigan. Malapit na rin ang birthday ko.
“Dito na po ako,” saad ko kay Manong driver. Nagbayad na ako ng pamasahe at pumasok na sa loob. Nginitian ko naman ang mga kasama ni Lola. Sa likod na ako dumaan. Pagdating ko nga ay kaagad kong nasilayan ang lola kong nagbubunot ng damo. Nakangiting nilapitan ko siya at niyakap.
“Na-miss kita Lola,” sambit ko. Gulat na napalingon nam
