Bandang hapon nga ay pumunta na kami sa malaking indoor court ng university. Pumuwesto kami sa gilid para mabilis lang lumabas mamaya kapag tapos na. Marami pa naman ang estudyante paniguradong pagkatapos nito ay magtutulakan na palabas.
“Dito tayo,” ani Alice. Naupo naman kami sa bench at naghihintay na magsimula ang game. Ilang sandali lang ay nagsipasukan naman ang mga pa-cool na manlalaro. Hindi ko pa nakikita si Blue. Ilang saglit lang ay may naririnig akong tilian. Pumasok si Blue at tila may hinahanap. Kaagad na kumaway si Alice para makita niya kami. Ngumiti naman siya at kumaway sa amin.
Kaagad na tiningnna naman kami nang masama ng katabi namin.
“Bakit? May problema ka?” saad ni Alice sa katabi namin. Kaagad na sinaway ko naman siya.
“Hayaan mo na, basketball ang ipinunta
