Bandang alas-singko ng hapon ay umuwi na rin ako. May mga dala akong iilang books para sa klase ko bukas. Tinuturuan ko na rin kasi ang fourth year students. Medyo nahirapan akong i-handle dahil ang daming matatalino. Baka may itanong sa ‘kin tapos hindi ko masagot.
“Salamat po,” ani ko kay Manong driver. Nang makabayad ay bumaba na ako at pumunta sa aking apartment. Kaagad na napaupo ako sa maliit kong couch at sinimulang planuhin ang aking gagawin. Plano na muna dahil tinatamad ako. Matapos kong mamahinga ng ilang minuto ay nagbihis na ako ng pambahay at sinimulang ayusin ang loob ng aking apartment. Nagsaing na rin ako at nagluto ng ulam. Sinigang lang naman iyon eh. Natakam din ako sa niluluto ko lalo pa’t marami iyong siling haba.
Nagsalin na ako ng ulam at kanin dahil alas-sais na
