Kinabukasan ay nagising na lamang ako at sobrang bigat ng aking pakiramdam. Pinilit ko ang sarili kong bumangon at kinuha ang aking cellphone. Nanlaki ang mata ko nang makitang ala-una na pala. May missed calls si Timmy at Sir Manuel. Ang tagal kong nagising. Maingat na tumayo ako at kamuntik ng matumba dahil biglang umikot ang aking paningin. Umupo ako sa kama at tiningnan ang sarili ko.
Lantang-lanta ang aking pakiramdam at mukhang nilalagnat ako. Gusto ko na lang humiga nang humiga pero kailangan kong uminom ng gamot. Pinilit ko ang sarili ko na tumayo at pumunta ng kusina. Kumuha ako ng tubig at advil t’saka ininom iyon. Napakasakit ng katawan ko. Pakiramdam ko ay nabalian yata ako sa tadyang. Hayop na lalaking iyon. Matapos akong pagsamantalahan bigla na lang mawawala na parang bula
