"Iba na yata ang galawan natin, bro ah?!" nakangising wika ni Paul.
"What do you mean?" tanong ko habang umiinom ng malamig na tubig.
Kasalukuyang katatapos lang ng laro. Inihatid ko muna ang dalawang babae, bago kami nagkayayaan mag-inuman ng mga ito.
"Sus! Deny pa more! Iba na yata ang ikinikilos mo sa Sofia na iyon. Bilang lalaki, nararamdaman kong tinatamaan ka na sa kaniya ah!" Sabay tawa ni Kenneth.
"Oo nga. Ipinagdadamot na eh! Mukha yatang ang kaibigan natin ang magagayuma sa Sofia na iyon!" natatawang segunda naman ni Carl.
"Tsk. Puro kayo kalukuhan. Nagsisimula pa lang ako. Kailangan ko itong gawin para makuha ko ang puso niya," sagot ko.
"O baka puso mo ang makuha niya bro!" Sabay tawa ng mga ito. "Ilang buwan na bro, wala pa rin siyang feelings para sa 'yo?" dugtong
