“Sigurado ka ba sa gagawin mo, Maui? You can stay here naman.” Nakaupo si Bellamy sa kamang tinutulugan ko rito sa kwarto niya habang ako ay nag-aayos ng gamit dahil paalis na ako ngayon dito.
“Oo naman. Isa pa, ang tagal ko na rin dito. Masyado na akong abala sa ‘yo.” Nilingon ko siya at nginitian. Nakita ko naman ang pagnguso niya dahil sa sinabi ko.
“Hindi ka naman abala sa akin. Lagi kang welcome rito.” Ikinagalak ko naman ang sinabing iyon ng kaibigan. “Hindi ka ba mahihirapan sa Laguna? Baka puntahan ka ni Avion.”
“Sa tingin ko naman ay hindi siya gagawa ng bagay na alam niyang hindi ko ikatutuwa kahit gaano pa siya kadesperadong kausapin ako. Isa pa, balak kong bumalik ng bahay para kumuha ng ilang gamit doon. So, baka magkita rin kami. If ever, I think I can talk to him now.” Ka
