Napatigil ako sa paglalakad at tumingin ako sa unang palapag ng bahay. Kita ko pa rin naman ang kinaroroonan nina Avi at Hardin. Hinawakan ko ang braso ni Emma upang patigilin siya sa paglalakad.
“Ma’am?”
Alam ko na tumingin siya sa akin. Ako naman ay nanatili ang tingin sa kinaroroonan nina Hardin at Avion.
“Wait, nag-aalala kasi ako na baka mauwi sa away ang pag-uusap ng dalawa. Let’s stay here,” pigil ko sa kanya. Humawak ako sa handrail ng pangalawang palapag at sinilip sina Avion. Mukha namang kaya ko ring marinig kahit papaano ang pinag-uusapan nila dahil hindi naman nila hinihinaan ang kanilang boses.
Nang una ay magkatitigan lamang ang dalawa. Hindi rin naman nagtagal ay nagdesisyon na si Avi na magsalita at basagin ang namumuong katahimikan sa pagitan nila.
“What the hell are
