Ilang araw madalas na paalis-alis si Avion. Hindi lang siya sa Manila napunta, minsan ay nagpapaalam siya sa akin na pupunta ng Cavite o ng iba pang lugar kasama ang mga pinsan. Hinahayaan ko na lang din naman siya dahil alam kong importante iyon.
Kasama ko ngayon si Tita Via at nasa mall kaming dalawa. Kagaya raw kasi ni Avi ay madalas wala ng bahay si Tito Lucio. Mukhang maging ito ay may mga bagay na inaasikaso sa kanilang negosyo at organisasyon. Malaki talaga ang naging impact ng pagkamatay ni Silas sa lahat sa amin.
“Why don’t you surprise Avion? Alam kong gusto ka niyang makita pero dahil sa rami rin ng ginagawa niya ay baka hindi niya magawa. Surprise your husband, Piper. You want to see him, too, right?”
Napatigin ako sa gawi ni Tita Via nang sabihin niya ang mga salitang iyon
