“Ang iyong ina ay galing sa isang makapangyarihang pamilya at ipinagkasundo kay Avos upang mapanatili ang kapayapaan sa ilalim ng dagat. Hindi naman naging mahirap kay Skyla na tanggapin at mahalin si Avos dahil nang mga panahon na iyon ay napakabait ng iyong ama. Nagbago lang ito nang ipanganak ka ni Skyla, para kay Avos, ang pagkakaroon ng isang supling na babae ay hindi magandang senyales para sa kanya at sa magiging kinabukasan ng kaharian . . .” Huminto ito sa pagsasalita at napatingin sa kanya. “Lumapit siya sa isang itim na manggagaway upang itanong kung ano ang puwedeng gawin sa ’yo lalo na at isinilang kang may angking kapangyarihan na minana mo sa iyong ina. Dahil sa pagiging uhaw sa kapangyarihan ng iyong ama ay nagawa nitong sundin ang sinabi ng itim na manggagaway—kailangan ka
