Pagkalapag pa lamang ng eroplanong sinasakyan ni Xandra, hindi malaman ng dalaga kung bakit bigla na lamang siyang kinabahan bagay na ikinataka niya. Isama mo pa rito na pakiramdam ni Xandra ay kakaiba ang tingin na ipinupukol sa kaniya ng ilang pasaherong nakasabay niya sa eroplano. Sa halip na pansinin pa ito, pinili na lamang ni Xandra na balewalain ang mga ito kahit na ang totoo ay hindi mawala-wala ang kaba na kaniyang nararamdaman. Dahil isang buwan siyang nanatili si New York dahil sa trabaho niya bilang modelo hindi malaman ni Xandra kung bakit para bang may nag-iba sa kaniyang pagbabalik. Kung dati ay papalapag pa lang ng eroplano na sinasakyan niya ay marami ng nakaabang sa kaniya, ngayon naman ay kahit isang tagahanga ng dalaga ay wala man lang siyang nakita. Hindi rin nakaligta
