Mahihinang katok mula sa pinto ng kuwarto sa labas ang nagpagising kay Maxine. At pupungas pungas niyang idinilat ang mga mata niya para sipatin ang paligid niya. At saka unti-unting nagbalik sa ala-ala niya ang mga nangyari kagabi.
Bumangon siya sa kama na tinulugan at tinungo ang pinto ng kuwarto. Pagbukas niya ay bumungad sa kanya ang babaeng sumalubong sa kanila kagabi. Kung hindi siya nagkakamali ay Sally ang pangalan nito.
“Good morning po Ma’am Maxine.” Bati nito sa kanya na bakas ang ngiti sa mukha.
“Good morning din.” Balik kong bati sa kanya.
“Pinabababa na po kayo ni Sir Lucas sa dinning area. Kakain na daw po ng umagahan,” sunod nitong saad sa kanya. Napangiwi naman siya ng marinig ang pangalan ng amo nito.Pero baka mag-isip ng kung ano si Sally sa kanya kaya nginitian na
