SUNSET
Ilang minuto kaming magkayakap. Wala na nga yata kami pakialam kung may makakita sa aming dalawa. Mabuti na nga lang ay walang naligaw kaya walang nakakita sa aming dalawa na magkayakap.
Sabay namin tinungo ni Ryker ang hardin. Nagkaroon ng kaunting salo-salo. Pinakilala ni Reece sa akin si Ate Lindsy at si Ate Chazzy na kasama ni Thomas. Parehong maganda ang dalawa. Si Ate Lindsy, simple lang pero parang matapang siyang babae. Si Ate Chazzy naman, classy, pero siya ang tipo ng babae na matutuwa ka kung paano siya magsalita. Pareho sila ni Reece na hindi nakakairita ang kaartehan, bagkus ay matutuwa pa ang sino mang makakausap nilang dalawa.
Nakipagkwentuhan ako sa kanila habang nag-uusap naman sina Ryker at ang dalawa niyang kaibigan. Maya't maya naman ang pasimpleng tingin ko
