“Please welcome, Chef Traise Castillano! Give him a round of applause!”
Pagkasabing-pagkasabi pa lamang niyon ng event host ay sumabog ang napakalakas na paputok sa buong paligid kasabay ng pag-ulan ng makukulay na confetti! Nagpalakpakan ang mga tao at naghiyawan nang makitang paakyat na ng stage si Traise.
“Congratulations, Chef!”
“Cooking ama mo, Chef!”
Halos yumanig ang buong paligid sa lakas ng ingay at sigawan ng mga tao, kasabay ng malakas na background music sa pag-akyat ni Traise sa stage. Gayundin ang makukulay na lights sa paligid. Maging ang mga dumalo sa ‘mini’ event na hindi na ‘mini’ dahil sa rami ng mga pumunta ay nag-uumapaw.
Ngayong araw ang itinakdang oras ng world premiere ng cooking show ni Chef Traise Castillano. Kaninang tanghali ay umere na ito sa iba’t iban
