[LUTHAN]
Nagpatulong sa'kin si Steph na mamili ng gagamitin niya para sa pagluluto mamaya sa kanila. May birthday daw kasi sa kanila. Kapatid niya yata. Kaya nakipagkita siya sa'kin sa mall.
Nagulat naman siya nang binigyan ko siya ng bulaklak. "Bumili ka talaga?" natutuwang tanong niya. Naglakad na kami papuntang supermarket.
Ngumiti ako. "Yun ang sabi mo eh."
"Eh pero di mo ako naintindihan. Hindi naman para sa'kin dapat ito. Para kay besh dapat 'yung flowers!"
Naguluhan ako. "Bakit, papupuntahin mo siya rito?"
"Nandito na siya. Kasama siya ni Reuben."
"Ah. Eh bakit gusto mo akong magbigay ng bulaklak sa kanya eh kasama niya pala si Reuben?"
"Peace offering. Sinaktan mo siya kanina eh." Alam kong ang tinutukoy ni Steph ay iyong pag-uusap namin ni Franceli sa telepono. Ayoko rin n
