Kimberly Marquez
HABOL-HININGA akong tumatakbo pabalik ng aming campus. Hindi ko akalain na isang bagay ang makakalimutan ko dahil sa pagod sa mga nangyari ngayong araw. Halos ipikit ko na ang mata ko kanina nang maalala ang bagay na sinabi ni Seven, magkikita nga pala kami after ng event. Paano ko ba nakalimutan ang bagay na iyon?
Hindi ko alam kung anong oras na ngunit siguro, sarado na ang school sa ganitong oras. Marahil ay nababaliw na rin talaga ako dahil iniisip ko na baka naghihintay pa si Seven sa rooftop ng school. Ngunit may kung ano kasi sa loob ko ang nagsasabing nandoon pa nga siya.
Hingal at pawis ang sinapit ko nang sa wakas ay makarating ako sa entrance gate ng campus. Tulad ng aking hinala, sarado na nga ito at ang event sa bonfire ay malapit nang matapos. Mabuti na la
