Kimberly Marquez
MABILIS akong napatingin kay Seven nang marinig ko ang bagay na sinabi niya. Nababakas sa kanyang mukha na maayos na ang kanyang pakiramdam at natutulog na ito nang malalim.
Halos hindi ako makahinga sa kaiisip ng bagay na sinabi ni Seven. Maging ang aking kamay ay nanginginig pa habang nilalapat ang basang pamunas sa kanyang noo.
Matapos ko itong ilagay sa kanya, agad akong tumayo at lumabas mula sa silid ni Seven.
Sinandal ko ang aking likod sa pinto ng kanyang kwarto dahil pakiramdam ko ay nanghihina ang aking tuhod dahil sa aking nalaman.
Ako nga kaya ang tinutukoy niyang tanga pero gusto niya?
Mabilis kong iniling ang aking ulo upang maalis ang mga bagay na aking iniisip. Ngunit kahit anong gawin ko, tila echo na paulit-ulit ang bagay na sinabi ni Seven.
Pilit
