Kimberly Marquez
MATAAS ang sikat ng araw at kasalukuyan naming PE class. Nasa labas kami at naglalaro ng volleyball na kasama sa activity namin ngayon. Nang mag-ayang magpahinga ang mga team mates ko, sumabay na rin ako at umupo sa bench.
Sa paglibot ng aking paningin sa paligid, natamaan ng aking mga mata ang kinaroroonan ni Seven habang naglalaro ng basketball.
Narinig ko ang hiyawan at tilian nang pahiran ni Seven ang kanyang pawis gamit ang kwelyo ng suot niyang jersey. Hindi ko masisisi ang mga babaeng humahanga sa kanya, napakagwapo pa rin kasi ni Seven kahit na pawis na pawis na siya.
Dahil sa fresh niyang kutis, iisipin mong wala siyang pawis dahil mukha pa rin siyang bagong ligo.
Maya-maya lang, nanlaki ang aking mga mata nang makita ko siya na tumingin sa aking direksyon. W
