Kimberly Marquez
HALOS matawa si Seven sa aking sinabi. Tila hindi siya makapaniwala na humuhingi ako ng ganitong pabor sa kanya.
"Seriously, Kim? Gusto mong pumayag ako sa ganyang bagay? Nasisiraan ka na talaga," wika niya saka umiling-iling na animoy natatawa.
"Seryoso ako, Seven. Gusto kong tulungan si Jenny at alam kong tama ang sinabi niya. Kapag naging magkapareha kayo, siguradong mas malaki ang makakalap na pera," muli kong paliwanag at pagkumbinsi sa kanya.
"Bakit hindi na lang tayong dalawa?" hirit pa niya.
"Ano namang alam ko sa fashion, Seven? Hindi naman ako model," sarkastiko kong sagot saka pinaikot ang aking mata.
Isang pagtawa ang kanyang ginawa saka muling bumalik ng tingin sa akin.
"Minsan hindi ko talaga alam kung ano 'yang mga tumatakbo sa utak mo, pero sigurado
