Kimberly Marquez
NAKAYUKO ang aking ulo habang sabay na naglalakad kay Seven. Pilit kong binabawi ang kamay kay Seven ngunit sa tuwing hihilahin ko ito, kukunin niya muling pabalik.
Sandali kong sinulyap ang mga mata sa paligid, ngunit agad din akong bumalik sa pagkakayuko nang makita ko ang tingin ng mga babaeng estudyante sa amin ni Seven.
Nabalot ng bulungan ang paligid at sinusundan nila kami ng tingin habang naglalakad sa hallway.
"Sila na ba ulit?"
"Siguro. Ngayon ko lang ulit nakita si Seven nang ganyan, eh."
"Bumalik na naman si Seven sa babaeng 'yan? Maganda na nga ang tandem nila ni Jenny, eh."
"Oo nga. Perfect couple ang dalawang iyon."
Habang naririnig ko ang mga estudyante na nagkukuwentuhan at nagbubulungan, hindi ko maiwasang hindi masaktan sa mga bagay na kanilang s
