DAVE
Nagsalin siya ng alak sa baso, at sinindihan din niya ang isangs stick ng sigarilyo. Lumapit siya sa pader, at sumandal, at ang isang paa naman niya’y nakaangat. Nakatanaw siya sa malayo habang humihithit siya ng usok ng sigarilyo. Nandito siya sa balcony upang makapag-isip. Ang sakit na ng kanyang ulo sa pag-iisip sa mga bagay. Maraming pumapasok na negatibo sa kanyang isipan. Ngunit, pilit pa rin niyang makapag-isip nang maayos. Kanina pa niya tinatawagan si Nadia, subalit hindi man lang nito sinasagot ang tawag niya. Abala siguro, at maraming ginagawa ngayon lalong wala siya sa club.
Nababahala siya sa totoo lang. Isang araw na lamang ay ikakasal na siya. Nakakatawa lang dahil duwag siya. Hindi niya kayang kontrahin ang kanyang mga magulang. Maraming mga bagay na gusto niyang ga
