NADIA
“Anong kaguluhan ito, Dave?”
Nanlalaki ang kanilang mga mata na napatingin sa pintuan. Nakita niya si Patricia ang nasa bungad ng pintuan. Naglakad ito papalapit sa kanila. Agad siyang bumitaw kay Dave, at lumayo rito. Palipat-lipat ang tingin ni Patricia sa kanilang dalawa ni Dave, at mapang-akusa ang tingin na pinukol nito sa kanila.
“Magsasalita ba kayo o hindi?” patuloy nitong tanong sa kanila.
Sobrang kabog ng dibdib niya ngayon, pero kailangan niyang sumagot upang hindi sila mabisto. Ayaw niyang mapahamak pa si Dave.
“Patricia, may sinasabi lang—”
Hindi niya natapos ang pagsasalita sa biglaan nitong pagsampal sa mukha niya. Nanlalaki ang kanyang mga matang nakatitig dito habang hawak niya ang nasaktang pisngi. Dinaluhan siya ni Dave, pero agad siyang lumayo rito. Ayaw
