DAVE
Napatigil siya sa kinakain niyang carbonara, nang mapansin niya ang katahimikan nito. Nagtataka siyang nakatitig kay Nadia. May kakaiba kasing nangyayari rito habang wala siya. Para kasing may tinatago ito sa kanya kaya hindi nito kayang sabihin kung ano iyon. Hindi ito magiging tahimik ngayon, kung walang nangyari. Nilalaro lamang nito ang pagkain nitong carbonara. Parang ang lalim ng iniisip nito. Nakakapagtataka lang na para itong nabahala.
Nababahala na siya rito. Kanina pa niya ito tinatanong kung anong problema, pero hindi naman ito sinasagot ang katanungan niya. Iling lang, at tipid na ngiti ang tugon nito sa kanya.
“Babe…” Inabot niya ang kamay nito. Gulat itong napatingin sa kanya.
“Bakit?”
“Do you mind sharing your thoughts? Kanina mo pa pinaglalaruan ang pagkain mo. Na
