Mara's POV "NANDITO NA pala kayo," bungad ko kay Kevyn nang nakapasok na ito sa mansyon. Simula kaninang umaga pa kasi itong wala at hindi ko naman alam kong saan siya nagpunta. Bahagya lang niya akong tiningnan at naglakad patungo sa salas. Sumunod ako sa kaniya. Hinubad niya ang jacket na suot at inabot niya iyon sa akin habang naglalakad. Kinuha ko iyon at isinampay sa braso ko. "May problema ba?" tanong ko habang nakatingin sa kaniya. Pakiramdam ko kasi parang may problema siya dahil ang tahimik niya. Umupo siya sa sofa habang nakatayo lang ako sa tabi niya. "Coffee?" alok ko habang sinisipat ang itsura ni Kevyn. Nahihirapan pa rin ako na hindi mag-po at tawagin siyang Sir. Ang hirap. Amo ko kasi siya at nararapat lang na tawagin ko siya ng ganoon pero ayaw naman niya at natatak