“Kailangan na natin siyang ibalik sa Altasosasyon, Alex. Paniguradong hinahanap na rin siya ni Haring Alastor.”
Napabitaw ako kay Alex nang marinig ang sinabi ni Ilah.
“Altasosasyon?” kunot-noong tanong ko.
Tumango naman siya.
“Ang Altasosasyon ang tawag sa tirahan ng mga Mulawin na nasa mataas na posisyon. Katulad nalang ng mga miyembro ng konseho. Sa Altasosasyon sila nakatira. Dahil ikaw ay apo ni Haring Alastor, doon ka na rin titira.”
Mas lalong kumunot ang aking noo.
“Ha? Hindi ba dapat ay magkakasama pa rin tayo? Huwag niyo sabihing mahihiwalay kayo sa akin?”
Nagkatinginan naman silang tatlo saka marahang tumango sa akin.
“Hindi mo kami makakasama dahil hindi naman mataas ang aming posisyon dito sa Avila. Mga normal na Mulawin lamang kami at hindi kabilang sa mga mararangy
