Chapter 38
Samantha’ s Pov.
Pagkatapos ng matinding pagtatalo namin ni Lorenzo sa phone, napahinto ako. Ang galit at pagkainis ko ay nagliliyab.
"Ah, talaga? Siya pa ang may gana magalit sa akin?" bulong ko, habang muli akong naglakad sa loob ng mall. Ang bawat hakbang ko ay mabigat sa galit.
Siya na nga ang nagloko at nang-iwan sa akin, ako pa ang ayaw niyang bitawan! Dahil ayaw niyang masira ang image niya bilang CEO. Alam kong reputasyon niya lang ang pinaglalaban niya, hindi ang kasal namin.
"Huwag niya akong takutin! Hawak ko ang mga ebidensya na nagpapatunay na may kabit siya. Kaya tuparin niya na lang ang hiling ko ang maging malaya! Para tapos na sana!" Ang inis ko ay nakikita sa bawat kuyom ng aking kamao.
Dahil sa init ng ulo ko, nagmamadali akong naglakad palabas ng mall.
