Chapter 31
Eli’s Pov
Pag-uwi ko mula sa eskwela, ang bigat ng dibdib ko ay hindi nagbago. Ang mukha ni Sam, ang takot at pag-iwas sa kanyang mga mata, ay patuloy na naglalaro sa isip ko. Ang pangako ko na maghihintay ako ay matibay, pero ang pag-iwas niya ay nakakapagod.
Nang pumasok ako sa sala, nakita ko si Mommy Kristine na nag-aayos ng pinamili sa kitchen counter.
"Mommy, nandito na pala kayo," wika ko, pilit na pinatitibay ang aking boses.
Agad siyang humarap, at napansin niya ang kalamigan sa akin. "Oh, Eli, anak. Parang matamlay ka ata? May sakit ka ba? Namumutla ka, ah."
"Wala, Mommy. Ayos lang po ako," sagot ko, pilit na ngumiti.
Lumapit siya sa akin at hinawakan niya ang noo ko. "Huwag kang magsinungaling, Eli. Parang tamlay ng boses mo talaga. May problema ka ba, Anak? Gr
