الجزء الرابع

1665 Words

داغر.. انت متأكد من اللى بتطلبه ده انت كده تعتبر بتربط بنتك بشخص ممكن ميقدرش يخليها على ذمته العمر كله ابنى اكبر منها بكتير وهى لسه طفلة مش هتستوعب انها تكون زوجه وهو كمان عقليته وتفكيره مختلفة كتير عن عاداتنا وتفكيرنا والد روز.. اطلب انت منه بس اللى قولتهولك ده وقوله ان ده رجاء خاص مني ليه هو هيوافق وعارف انه مش هيتأخر عن خدمة واجب وامانة زى دى وفعلا كلم داغر ابنه اللى وافق بعد ماقال لأبوه انا ماليش علاقة خالص بالقصة دى انا هعمل ده علشان خاطرك وخاطر والدها لكن انا لا بفكر فى الجواز ولا الاستقرار ولا بفكر فى انى اتجوز من مصر انت هتكون المسؤل عنها ب اسمى مش اكتر يعنى محدش ييجى يطالبنى من ناحيتها بحاجة علشان موعدكش يا بابا انى هكون اد اي حاجة تحتاج وجودى فى مصر وفعلا بعت التوكيل لداغر وكان ولأن كانت روز سنها صغير جدا اضطروا انهم يستخرجوا لها شهادة تسنين بسن قانونى وده طبعا للأسف كان بيخرج زمان بتقديم رشوة علشان الاهالى تقدر تجوز بناتها قبل مابيوصلوا للسن القانونى اتكتب الكتاب وكانت روز طفلة مش فاهمة اى حاجة ولا حتى حد وضحلها او حاول يفهمها اي حاجة وبعد كتب الكتاب ب اسبوع زاد تعب والد روز وطلب انه يشوفها وكان داغر مش بيسيبه خالص ودايما جنبه دخلت روز لوالدها ..نعم يابابا عايزنى الاب..حبيبتى نور عينى انتى ياوردتى عايز اقولك كلمتين قدام عمك عايزك تسمعينى وتفهمينى كويس اوى وركزى فى كلامي روز بهدوء..خير يا بابا انا سامعاك ومركزة ومتخافش انا هفهم بسرعة قولى عايز ايه والد روز ب تعب.. حبيبتى انتى عارفة انى تعبان وده امر ربنا الحمد لله على كل حال بس المرض اللى ربنا افتكرني بيه للأسف مالهوش اي علاج وهو له حكمة فى كده روز..بعد الشر عنك يا بابا انت هتخف وهترجع احسن من الاول وهتعيش وتعمل كل حاجة زى الاول والدها ... شوفى يا حبيبة بابا كلنا لينا عمر ربنا كتبهولنا وكل واحد فينا بتخلص الرحلة اللى ربنا خططهاله بيرجع تانى لمكان احسن بكتير من الدنيا دى زى مامتك وزى والد سيرين صاحبتك روز بهدوء..انت هتفضل معانا يا بابا هتخلى بالك مني ومن سيرين اكيد مش هتسيبنا لوحدنا والد روز..لا يا نور عينى مش هقدر اسيبك لواحدك انا سايبك امانة مع عمك داغر هيفضل طول عمره بياخد باله منك انتى وسيرين انتم اخوات مش هيكون ليكم غير بعض تخلو بالكم من بعض وعمك هيخلى باله منكم ومتخافيش ربنا معاكم وعمرك ماهتكونى لواحدك وبكرة تكبرى وتفهمي انى حاولت اعمل لمصلحتك وحاولت احافظ عليكى ومسمحتش انك تكونى لواحدك من غير سند فى الدنيا حافظى على نفسك وعلى اختك واسمعي كلام عمك وهييجى وقت هيحكيلك انا عملت ايه علشانك ووقتها ابقى افهميه كويس واقبلى اللى هيقولهولك روز بدموع...بابا ماتقولش كده علشان خاطرى انت اكيد مش هتسيبنى انا مش هعرف ابقى لواحدى من غيرك معلش يا بابا علشان خاطرى استحمل شواية انت هتخف وهتبقى كويس صدقنى صح ياعمي مش بابا هيخف ويفضل معانا داغر بيطبطب عليها وبيبص لصاحبه وهو عارف ان دى نظرات وداع والد روز...حبيبتى تعالى احضنينى مش عايزك تخافى ولا تزعلى ابدا ..عايزك علطول جميلة وزى القمر زى م انتى متأمنيش لحد وتفتحى حياتك لأى حد غير عمك واختك وجوزك مش عايزك تعيطى ولا حتى عليا عايزك تفرحى انى هروح لوالدتك وابقى معاها بدل ما هتكون لوحدها وانتي هنا هتكوني مع اختك وعمك متنسيش كلامى ابدا ياروز ونطق والد روز الشهادة قدام عنيها وعين داغر اللى كانو مليانين دموع اد ايه لحظة الفراق صعبة جدا واد ايه توجع القلب وتسحب الروح لما بيبعد عن عينك اقرب الناس ليك ولقلبك لما يكون مفيش احتمال انك تقدر تشوفهم او تسمع صوتهم او حتى تحس بوجودهم حواليك حتى لو تعبانين او مبيتكلموش او حتى مش بيتحركوا لكن وجودهم حواليك بيريحك ويطمنك روز بدموع وعياط فى حضن سيرين اللى دخلت لما سمعت صوت داغر بينادى عليها علشان تهون على اختها خلاص ياسيرين بابا راح ..خلاص هيقابل ماما وسابونا هنا لوحدنا ..خلاص هيبقى جنب امي وباباكي ومامتك واحنا هنكون مش جنبهم..كانوا اخدونا معاهم طيب ياسيرين ليه يسيبونا لوحدنا من غيرهم هنقدر ازاى نستحمل نكون عايشين من غيرهم؟؟ سيرين بعياط.. الله يرحمه يا روز الله يرحمه ..عمو داغر جنبنا احنا مش لوحدنا زى باباكى ما كان مخلى باله مني ومنك اكيد عمو مش هيسيبنا وفعلا باباكى فى مكان احسن مش ده كلامك ليا ان بابا وماما فى مكان احسن بكتير انا وانتى هنفضل سوا جنب بعض وهنفضل فاكرينهم ونعمل كل حاجة تفرحهم فى المكان اللى هما فيه هما اكيد هيحسوا بينا وهيفرحوا كمان بكل حاجة حلوة نعملها وتحصل معانا اهدى واقري على روحه الطيبة قرأن وخلينا ندعيله احسن داغر حضن روز وسيرين وهو بيقولهم... انتم امانة فى رقبتى لحد م احصلهم متخافوش عمري ماهسيبكم لوحدكم وربنا معاكم ومعاية وكان داغر اد الامانة وعمره ما قصر معاهم فى تعليم او اى طلب او اى حاجة بيحتاجوها كان هو بيعوضهم عن فراق ابهاتهم وهما كانوا بيعوضوه عن فراق ابنه فضل جنبهم لحد ما خلصوا تعليم وكانوا الاتنين زى القمر وفى يوم طلب زميل ل روز انه يقابل عمها علشان عايزه فى موضوع مهم ولما حددت ميعاد مع داغر وجه قا**ه الشاب عرف داغر انه عايز يخطب روز وهنا كانت بداية معرفة روز ببطل قصتنا وقصتها قفل داغر كلام مع الشاب وبلغه انه هيعرض الموضوع على روز الاول ويشوف ردها وبعدين يبلغه داغر..روز اقعدى عايز اتكلم معاكى روز..اتفضل ياعمو داغر ... روز انتى عارفة الشاب اللى طلب يقابلنى كان عايز يقابلنى ليه ؟ روز.. لاء والله ياعمو هو كان طلب انه يقابل والدى علشان عايزه فى موضوع شخصي ولما رديت عليه ب ان والدى متوفي وعمى هو ولي امرى طلب يقابلك.. بس حضرتك عارفني مش بحب اسأل كتيرقولت اكيد لما هيقابل حضرتك هتعرفنى هو كان عايز ايه داغر ب ابتسامة... اه فعلا هعرفك هو عايز ايه .. هو ياستى طلب يقعد معاية علشان عايز يطلب مني ايد بنتى اللى زى القمر شافها ياستى مبتعبرش اي حد وعلطول هى واختها لوحدهم مالهمش علاقة بالناس اللى حواليهم ومؤدبين وحلوين وشاطرين هههههه قرر بقى انه يطلب ايدك ها ايه رأيك؟ روز..يطلب ايدى يعنى يتجوزنى؟ داغر..لاء يطلب ايدك يعنى ياخدها منك وتمشي من غير ايد...اه طبعا يامتعلمة يعنى عايز يتجوزك ايه رأيك بقى؟؟ علشان هو مستنى الرد بتاعى روز.. لا ياعمو انا مش بفكر في الموضوع ده دلوقتى وبصراحة انا مش حابة فكرة الجواز من الاساس انا نفسي اسافر واعيش فى بلد تانية غير هنا واشوف واتعلم واتعامل مع مجتمع مختلف وثقافة تانية خالص غير هنا عايزة اشوف العالم كله داغر..تمام تمام..يعنى ارد عليه اقوله انك رافضة؟؟ روز..ايوة طبعا داغر ..يعنى مش محتاجة فرصى تفكري؟ روز بثقة.. لاء ده قرار انا مقتنعة بيه مش محتاج اي تراجع او تفكير واي حد يكلم حضرتك فى الموضوع ده عموما اقفله معاه من غير ماترجعلى داغر..ههههه حاضر هقولهم انك متجوزة روز..صح ياعمو عندك حق كده اريح علشان لما الناس تسمع كده محدش يفكر ييجى يتقدم داغر..ييجى جوزك يشوف العرسان اللى بتجيلك وهو ولا دارى ههههه روز...ياسيدى انا مش عايزاه ييجى خلينى كده معاك انت وسيرين ولا زهقت مننا وعايز تخلص بقى من الزن بتاعنا؟؟ داغر..لاء ياحبيبتى والله ده انتم حبايبى انا بتكلم فعلا عن جوزك اللى ميعرفش ان مراته بتتخطب وبترفض من غير حتى ماتعرف انها على ذمته روز..جوز مين ؟؟ ذمة مين؟؟ هو حضرتك بتهزر ياعمو صح؟ داغر..بالع** انا بتكلم جد الجد موضوع كان المفروض تعرفيه من 5 سنين تقريبا بس كنتى اصغر من انك تعرفيه وانا مكنتش عارف هحكيهولك ازاى لكن انتى كبرتى كفاية على انك تفهمى اللى هتسمعيه روز..اسمع ايه ياعمو؟؟ وازاى يعنى من 5 سنين ؟؟ داغر ..انتى متجوزة ياروز متجوزة ابني من قبل وفاة والدك ب اسبوع متجوزاه بناء على طلب والدك الله يرحمه من غير مايقابلك ولا تقابليه ولا حتى كنت ناوى اقولك دلوقتى خالص لكن انا قررت اقولك دلوقتى لأن انتى بيتقدملك ناس كويسة ومن حقك تقرري حياتك هتمشى ازاي ولو وافقتي لازم ابنى ينفصل عنك علشان تقدرى تعيشي حياتك ولو حابة انه يفضل الوضع زى ماهو ف احنا عملنا كده بس علشان يوم مايجرالي حاجة يبقى له حق حمايتك وحق تنفيذ كل احتياجاتك ويكون ملزم ب ده لحد ماتقدرى تكونى مسؤلة عن نفسك فى وجودى او عدمه روز بصدمة...انا متجوزة ابنك ؟؟ متجوزة من قبل وفاة بابا؟؟ متجوزة من وانا عندى 13 ولا 12 سنة ومعرفش لحد دلوقتى ؟؟ بقالى 5 سنين اسمى على اسم شخص غير بابا ومسؤله منه وعنه وانا اصلا حتى معنديش خبر؟؟ ازاى ياعمو حاجة زى دى تخبيها عني؟؟ افرض انا كنت حبيت ولا ارتبطت ولا دخلت في علاقة مع حد يبقى اسمى بنت خاينة لجوزها وانا اصلا معرفش بوجوده؟؟ ازاى ياعمو تخبى عني حاجة زى دى بجد؟؟ ازاى حضرتك مفكرتش فى كل ده ؟؟ ترضهالي ؟؟ داغر ..اهدي ياروز انا ياحبيبتى هفهمك كل حاجة ..غير انى لو للحظة شكيت انك ممكن تكونى من البنات اللى بتدخل فى علاقات مع حد او ده لاحظته عليكى فى اي مرحلة من مراحل حياتك اللى فاتت صدقينى كنت هعرفك الحقيقة بعيد عن انى مش هقبل ده لكن هعرفهولك لأنك من حقك تحبي وتختارى شريك حياتك وانا ابنى مش موجود ولا بيفكر يكون موجود وكل اللى اتعمل ده كان رغبة ابوكى الله يرحمه مش ل اكتر من انه كان عايز يبقى مطمن عليك ويكون واثق انك مسؤلة من حد يقدر يحافظ عليكى من الناس اللى مالهاش امان انا ابنى معترضش ولا فكر ولا سأل بمجرد ما عرف ان دى رغبة ابوكى وافق علطول هو كان عنده استعداد يكون مسؤل عنك وعن احتياجاتك فى اي وقت تبعتيله فيه حتى لو من غير جواز لكن ابوكي **م على ده علشان يكون هو ملزم وميقصرش ل اي سبب وعلشان تكونى انتى مضطرة تلجأيله تحت اي ظرف لأنه جوزك مش مجرد حد غريب عنك لا عمرى مضمون ولا عمر ابني ولا اي انسان بس هو ك اب كان محتاج يريح قلبه بحاجة زى دى وانا وابنى مقدرناش نعترض روز..هو حضرتك ياعمو تعرف انى معرفش ابنك ده ..تعرف انى معرفش شكله..تعرف انى مسمعتش صوته ههههههه حلو اوى انى متجوزة واحد من 5 سنين ولا اكتر ولا انا ولا هو نعرف بعض داغر..ابنى مسافر بقاله كتير اوى ياروز من قبل موضوعك بكتير هو كان بيدرس برة وعجبه الجو هناك وكنت كل فين وفين لما بسافر اطمن عليه وبعد ماكبرت كده بقيت مش بقدر اسافر وهو كمان استكفى بالتليفون والمكالمات وانتى واختك مليتوا عليا الدنيا وهونتوا عليا هو اتخرج واشتغل هناك وعمل لنفسه شركة واسم وبيت لكن هو حابب عيشته حر من غير جواز وارتباط بشخص يحسسه انه متكتف لكن هو دايما بيسأل عن احتياجاتك بحكم تربية ابوكى له بعيد عن نوع العلاقة اللى موجودة ب الاسم بس

Free reading for new users

Scan code to download app

App Store Google Play

Facebookexpand_more