الجزء التاسع

1288 Words

سمعوا الاغنية كلها وهما بيغنوا معاها واول ما خلصت سماء...شايف حتى الكافيه فاكرنا وفاكر الاغنية اللى كنا بنسيب المذاكرة ونقعد نغنيها وهى شغالة ..مش بيوضحلك حاجة ده ثائر..هيوضحلى ايه يعنى ؟؟ سماء..يابنى انت ايه مبتعرفش تتكلم؟؟ مبتوضحلكش انك ندل نسيت تسأل عني كل السنين دى ؟؟ لكن الكافيه المحترم والناس الكويسة فاكرين الاغنية بتاعتنا اللى اول ماشافونا شغلوهالنا شايف الفرق بينك وبين الناس الغريبة يع عليك خالص يع يع يعنى اد ايه شكلك يع قدامى ثائر ب ابتسامة ..انا يع وكمان يع على شكلى قدامك ..لا انا اقوم امشى بقى علشان شكلى هيتغلط فيا..مش عارفة تقدرى قيمة الفنان اللى قدامك وتحترميه ..مش عايزة تعملى لقدام وانى هكون عالمى وساعتها هفتكرك بكلمتين فى رواية ولا سيناريو ليا سماء...انت بتتلكك ياعم الحاج ولا ايه تقوم تمشى مين يابنى انا هكتفك هنا ومش هتمشى غير لما انا ازهق وانا بقى مش هزهق ف انت هتفضل متكتف ومش هتمشي ثائر بضحك...خلاص خلينى متكتف انا اطول يعنى ابقى قاعد مع البنوتة اللى زى القمر دى سماء بخدود حمرا من ال**وف.. ياخبر ابيض لا **ف*نى والله بجد ده انا وشى سخن من الكلام الحلو ..شكرا اوى بجد ثائر..ايه ده بتت**في بجد هههههههههههه ضحكتينى والله ..سيبك بقى من كل ده احكيلى ايه دنيتك وايه اللى حصل معاكي فى السنين اللى فاتت بقى ابتديت سماء تحكي ل ثائر حياتها كانت ماشية ازاى وانها جربت اكتر من وظيفة فى اكتر من مجال واخيرا اشتغلت فى الماركتينج فى شركة معروفة ومرتاحة نوعا ما فى شغلها لأنها كانت مش مستعدة تستنى فرصة فنية وهى كانت مش من الحاجات اللى واقفة عليها انها تشتغل بنفس مؤهلها وحكيتله انها مجربتش خالص انها ترتبط ومسمحتش لحد يدخل حياتها وانها عايشة هى ومامتها بعد ما باباها انفصل عن مامتها وسافر مع مراته بلد اوروبية حكيتله كل تفاصيل حياتها من يوم التخرج لحد نفس اللحظة اللى اتقابلو فيها كانت بتتكلم بحماس وبتلقائية كانت ص**حة وواضحة اوى مبتفكرش حتى قبل ماتتكلم كان ملاحظ فى كلامها طبيعيتها و اد ايه هى مش خبيثة ولا بتتصنع كان بيسمعها ب اهتمام وتركيز وهو جواه فرحة بيها ومش حابب انه يعترف بسبب الفرحة دى وكأنه عنده عقده من الاحاسيس الرومانسية برغم انه هو بطبعه رومانسي وكل احلامه وردية وناعمة خلصت مقابلتهم بسبب تأخيرها لأنهم كانوا مش حاسين بالوقت اللى مر وتتفاج~ سماء بمامتها بتتصل بيها بتبلغها ان الوقت داخل على الساعه 12 بليل ياترى هتباتى فى الشارع ياست سماء ولا ناوية تباتى فى البيت ضحكت سماء وثاء على الوقت اللى جرى بسرعة جدا من غير مايحسوا ثائر..ياشيخة سرقتى اليوم مني معرفتش اخلص اللى ورايا عاجبك كده سماء..بقولك ايه سيبنى فى حالى وانا مقعداك غصب عنك مش كفاية ان امى هتبيتنى فى الشارع بسببك شوفلى اوضة بقى ابات فيها عندك ثائر..يلا ياماما اوصلك لبيتك ال اسيبلك اوضة عندى ال هلم انا ولا ايه هههههههههههه سماء..تلم ماشى ماشى مش هتخانق دلوقتى لازم اروح احاول بقى اقنعها متتخانقش دى هتف*ج عليا الشارع يلا بينا فعلا ثائر قام وصل سماء لحد البيت بتاعها واتفقوا انهم هيتقابلوا تانى قريب لما يعرف رأى ادوارد فى السيناريو لما يكمله علشان يعرضه عليها ويعرف رأيها هى كمان طلعت سماء البيت وهى مبسوطة جدا باليوم الام..يا اهلا يا اهلا بالهانم اللى فاكرة نفسها مالهاش اهل سماء..بقولك ايه ياحلويات انتى انا مبسوطة ومش هسمح ب اى نكد ولا خناق عديها بالحب كده بقى يا ام القمر انتى علشان اغير هدومى واحكيلك كل اللى فى جعبتى ولا تحبي تتخانقى واكتم اسرارى جوايا ومتعرفيش عني حاجة والفضول يبقى قاتلك كده الام..يعنى ينفع ياسمسمة كده بصى الساعه كام الناس تقول ايه لما يشوفوا بنت راجعه لواحدها فى وقت زى ده واحنا مفيش راجل عايش معانا ينفع يعنى يتكلموا علينا كلام مش كويس سماء..لاء ياماما ماهو انا مش جاية لواحدى ده ثائر وصلنى الام..نعم ياحبيبتى مين موصلك..ثائر مين بيبيع ايه يعنى وبعدين ازاى تخلى راجل غريب يوصلك فى وقت زى ده انتى اتجننتى انتى بتدى فرصة رسمى كده للناس انهم يقولوا ويعيدوا ويزيدوا عنك صح سماء..ايه ياماما مالك فى ايه مالنا احنا بالناس ما هما كده كده بيتكلموا حد موصلنى محدش موصلنى برجع البيت متأخر برجع البيت بدرى بيتكلموا متشغليش بالك بالناس ياامى المهم انك عارفة بنتك وتربيتها وثقتك فيا هى اللى بتخلينى قبل اي تصرف بحطك انتى قدام عنيا وبحط ثقتك فيا اللى محبش ابدا انى اخونها قدامى اهدي بقى كده واستنى اغير هدومى واجيلك الام..بتغلبينى يعنى ياسماء بالكلام ..ماشى غيري هدومك وانا هعمل اتنين ليمون بالنعناع واستناكى رجع ثائر بيته وبيفتح الباب وتليفونه بيرن برقم باباه ثائر..الو...بابا حبيبي عامل ايه الاب..ايه يابنى فينك كل ده ولا بعتلى حاجة ولا كلمتنى انت نسيتنى ولا ايه ثائر...والله يا بابا لسه راجع حالا انا اهو بفتح باب البيت دلوقتى الاب...خلاص يعنى هى الست سماء سابتك كل السنين اللى فاتت دى و اول ماجيت تقول يا هادى وتبداء شغل هتظهر وتعطلنا بقى ثائر..ههههه لا يا بابا متقلقش انا مفيش حاجة تعطلنى عن شغلي هدخل دلوقتى اغير هدومى وهقفل تليفونى كمان علشان متتصلش هى بيا تعطلنى واكتب شواية واول ما اخلص هبعتلك بس متستناش نام وانا هخلص وابعت والصبح لما تصحى ابقى شوفه وقولى رأيك بقى الاب..يابنى علشان متفضلش صاحي للصبح نام واصحى بدرى اشتغل علشان متتعبش ثائر..لا متقلقش يا بابا انا بحب الليل وبحب اشتغل بالليل اكتر الايحاء بيبقى عالى بقى انت فاهم هههههههه الاب..ايحاء عالى ..وماله يا ابو ايحاء انت طيب مش هتحكيلي الخروجة كان ايه نظامها وايه اللى حصل فى المقابلة المفاجأة دى ثائر..اكيد يعنى هحكيلك بس مش دلوقتى بقى روح نام وانا بكرة لما تكلمنى بعد ماتقرا السيناريو واسمع رأيك هحكيلك اللى حصل بالتفصيل الممل الاب..خلاص يا حبيبي اتفقنا انا فعلا عايز انام بس كنت مستنى اطمن عليك مش هكلمك بقى الصبح غير لما الاقيك باعتلى شغلك واقراه كله ابقى اتصل بيك اقولك رأيى يلا تصبح على خير ثائر..ماشى ياحبيبي دعواتك..وانت من اهل الخير ..مع السلامة قفل ثائر الخط مع باباه وطلع اوضته يغير هدومه كانت سماء غيرت هدومها وخرجت تقعد مع مامتها الام..احكي كل حاجة بسرعة سماء..فاكرة ياماما ثائر صاحبى الوحيد اللى كنا مع بعض فى الدروس بتاعت الثانوى ودخلنا الكلية سوا لحد م اتخرجنا اللى باباه فى انجلترا ده الولد المؤدب الهادى اللى كنتى بتحبيه الام..اااااه طبعا فاكراه هو انتى كان ليكى زمايل غيره مصدعانى بيهم..ماله ده سماء..هو ده بقى اللى كنت بقا**ه النهاردة ..كان بقالنا كتير من وقت ما اتخرجنا محدش فينا يعرف عن التانى حاجة لحد ما عرفت اوصله بالصدفة كده واتقابلنا النهاردة وقعدنا حكينا كل حاجة ..كنت مبسوطة اووووى يا ماما حسيت انى رجعت تانى ل ايام الثانوى الام..للدرجة دى ..وايه ياترى بقى السبب فى الانبساط ده كله كل ده علشان افتكرتى ايام الدراسة ..ولا فى حاجة تانية بقى سماء..لاء ياماما بصراحة فى حاجة تانية ..بس هو مش حاسس ب ده خالص مش شايفنى غير زميلته واخته وصاحبته بس لكن مش بيفكر في اى حاجة اكتر من كده الام..طيب وانتى بقى هتفضلي كده معجبة بيه من طرف واحد سماء..يا ماما احنا بقالنا سنين متقابلناش وكنا صغيرين انا كنت فاكرة ان مشاعرى اتغيرت مع البعد الفترة دى كلها لكن لما قابلته النهاردة عرفت ان احساسى ناحيته زى ما هو لكن ثائر كمان لسه زى ماهو مبيفهمش برغم ان نظراته كان كلها اعجاب والله ياماما الام..حبيبتى بلاش تعشمى نفسك وتعيشي نفسك على احتمالات الحب اللى بيكون من طرف واحد ده بيفشل سماء..متحبطنيش اسمعى بس اللى حصل النهاردة وبعدين بقى نشوف هيفضل من طرف واحد ولا مسيره يبقى من طرفين عند ثائر غير هدومه وخرج من اوضته يعمل لنفسه مج نسكافيه وجهز لنفسه طبق فاكهة وخرج قعد فى التراس قدام اللاب توب بتاعه وشغل اغنية لفيروز وقرر يكتب على نغمات كلماتها ضَل افتِكِر فِيي. ضَل افتِكِر فِيي . رِجعِت الشَتويّة. رجعت الشتوية يا حَبيبي الهَوى مَشاوير . و قِصَص الهَوى مِثل العَصافير . لا تِحزَن يا حَبيبي إذا طارِت العَصافير . و غِنّية مِنسيّة عَ دراج السَهرية . رِجعِت الشَتويّة . رِجعِت الشَتويّة . ضَل إفتِكِر فِيي . ضَل إفتِكِر فِيي . رِجعِت الشَتويّة . يا حَبيبي الهَوى غَلاب. عَجِّل وتَعِى السِنةِ وَرا الباب . شَتوية و ضَجَر و لَيل . وأنا عَم بِنطُر عَلى الباب . ولَو فِيي يا عِينيي خَبيك بعينَيي . رِجعِت الشَتويّة . رِجعِت الشَتويّة . ضَل إفتِكِر فِيي . ضَل إفتِكِر فِيي . رِجعِت الشَتويّة.

Free reading for new users

Scan code to download app

App Store Google Play

Facebookexpand_more