الجزء الثامن

1241 Words

كان بيحلق دقنه ثائر مع اغنية فيروز وكلامها الجميل وهو بيدندن معاها خلص واخد الشاور بتاعه ودخل اوضته جهز طقم منتهى الشياكة وخرج الساعه البراند اللى بيحبها وبرفانه التحفة وبيرتبهم كأنه طفل بيحضر هدوم العيد بتاعته ومبتسم حاسس انه رجع لمرحة الثانوية وايام الكلية مرة تانية عند سماء اخدت الشاور بتاعها وعملت شعرها بالسشوار وابتديت تطلع كل هدومها طيب البس كلاسيك ولا البس كاجوال؟ طيب جيب ولا بنطلون؟؟ البس دريس طيب ولا جامبسوت ؟؟ هو ايه بقى الحيرة اللى انا فيها دى اومال لو رايحة اقابل رئيس امريكا كنت عملت ايه ده ثائر يعنى لا بس ايه ثائر يعنى ده علشان ثائر بالذات لازم يشوفنى وكأنه اول مرة يشوفنى ويعرف انى كبرت بقى وبقيت صاحبته مش صاحبه اللى كان بيقولهالى زمان انا عرفت حيرتى دى للأسف هضطر اهرب منها ب رأى امى بقى وامرى لله هتفتحلى تحقيق دلوقتى سماء...مااااااااااااااااامتى...ياماماااااااااااااااااااا..يا ست الستااااااااااااات .... الام..ايه يابنتى فى ايه ؟؟ الشارع كله سمع صوتك ياحبيبتى انتى بنت مش ولد علشان صوتك يجلجل كده مفيش بنت صوتها بيطلع وبيسمع الشارع كده غيرك سماء..يعنى انتى ياست الكل مكانش ينفع تدخلى تسألينى بنادى عليكى ليه من غير كل اللى قولتيه ده اللى انا اصلا علشان مشغولة بحاجات تانية مسمعتهوش اصلا ؟؟ ينفع كده تضيعى وقتك ومجهود احبالك الصوتية على الفاضى ده كلام يعنى الام...لا خلاص بقى مش هعلق ولا اقول حاجة..كنتى عايزانى ليه ؟ سماء..شوفي ياست عسليات انا عايزة طقم يطلع البنت اللى مدفونة جوايا قبى واغطسى جوة دولابي العالمى ده واطلعيلي بطقم محصلش ومن غير بقى اسئلة كتير انجزيني دلوقتى ولما ارجع من مشواري هحكيلك تفاصيل التفاصيل يالوزة ياحلوة انتى يابطة ممكن الام ب ابتسامة... يعنى وعد لما ترجعي هتحكيلي؟؟ سماء..والله ان شاء الله وعد هحكيلك كل حاجة بس يلا بقى متضيعيش وقت وقفت فعلا الام قدام دولاب بنتها اللى مش محجبة لكن دايما لبسها مش ملفت اختارت لها دريس بنوتاتى كيوت اوى ابيض وفيه وردات صفرا كان رقيق جدا ولايق عليها كانت مامتها بتحبها فيه لان هى بشرتها مش فاتحة اوى وشعرها البنى بطبيعته وعنيها العسلي مع لون الفستان كان بيبقى شكلها فيه زى القمر الام..ايه رأيك ياست البنات ينفع ده ؟؟ انا بالنسبالي بيعجبنى عليكى وبيخليكى زى القمر سماء..بجد يعنى على ضمانتك؟؟ الام..على ضمانتى طبعا ..وبعدين انتى اي حاجة بتحلو عليكى سماء..خلاص ياست الكل وانا مش هراجع وراكى هلبس الفستان وادعي يجيب نتيجة بقى ههههههههههه الام..ان شاء الله ربنا يفرح قلبك جهزت سماء نفسها وحطت ميك اب خفيف جدا لأنها مش بتحب الميك اب اصلا بس كانت حابة تحدد كل ملامحها بالتفصيل وده خلاها تلجأ لشوية ميك اب بسيط جدا كانت طالعة زى القمر رن تليفونها برقم ثائر سماء..الو ثائر..ايوة ياسماء جهزتى سماء..مين حضرتك ثائر بتوتر بص للتليفون واتأكد انه رقم سماء..انا ثائر هو مش حضرتك انسة سماء سماء ..ايوة انا ..ثائر مين ؟ وحضتك جيبت الرقم ده منين ؟؟ ثائر ب احراج..لا انا اسف بعتذر على الازعاج..سلام سماء بسرعة وزعيق ... سلام ايه ياعم انت مابتصدق طيب اتحايل شوية ولا تبت شوية ايه اللى طالع يجرى ده ولا كأن فيه بينا ميعاد ثائر..ايه الهبل ده يابنتى انا فكرت فى حاجة غلط وفعلا اضايقت ..وبعدين واحدة بتنكر معرفتها بيا عايزانى اعمل ايه اقولها لا والله انتى تعرفينى غصب عنك خلاص يلا اقفلي بقى انا قفلت ومش نازل سماء...لا مش نازل ايه انت اتجننت ده انا اجى اقتلك يابنى اخلص انا جهزت وبقيت زى القمر اهو ها اتحرك بقى ثائر بضحك..يلا ياواقعة انزلى انا فى الطريق اصلا سماء..طيب انا فوريرة هتلاقينى هناك قفلو سوا وثائر كل مكالمة يقفلها لازم يفضل مبتسم بعد ما يخلص كلام وصل الكافيه وقعد فى نفس المكان اللى كانو متعودين يقعدوا فيه ايام المذاكرة الكافيه متغيرش زى ماهو ووصلت سماء وبخفتها وروحها وجالها خ*فت نظر كل اللى كانوا موجودين فى الكافيه تقريبا لكن هى كانت مستنية بس تشوف النظرة دى فى عين ثائر اللى اول ماشافها فتح عنيه على اخرها ثائر..يابنت الايه بقيتى قمر سماء ب**وف وفرحة ...اسكت بقى **ف*نى ثائر...هههههه وش **وف اوى عموما انا اسف لو ضايقتك..اتفضلي اقعدى سماء قعدت..لا ياعم اسف ايه ده ابو الهول نطق ..قمر احسن بكتير من صاحبي اللى كنت مش بتقولى غيرها ثائر..لا صاحبى ايه بقى ماشاء الله عليكى بجد كبرتى وبقيتى احلى واحلى سماء ب ابتسامة جميلة ..انت كمان شكلك اتغير مع ان طول عمرك وسيم يعنى مش جديد عليك..مبسوطة بجد انى شوفتك ثائر..وانا كمان والله مبسوط اوى انى شوفتك انتى متعرفيش كنتى ازاى وحشانى سماء..ومسألتش ليه لما انا وحشاك ثائر..انتى عارفانى **ول جدا ولما راح تليفونى **لت ادور بقى على الارقام اللى راحت بقيت بسجل بس اللى بيتصل بيا وانتى بقى مكنتيش بتتصلي بيا سماء...وماله هعديهالك..يلا ماعلينا من اللى فات احكيلي بقى كل حاجة حصلت فى حياتك احكيلي الدنيا معاك عاملة ايه ثائر...لا والله هى مش عاملة بس واضح انها هتبدأ تعمل بقى وسبحان الله عمايلها جاية ورا بعض يعنى فرصة الشغل وانتى ظهرتو مع بعض اتفائلت بيكي بصراحة سماء.. طيب يلا بقى عايزة اسمعك جدا...وحشنى اسمعك الصراحة وفعلا حكى كل حاجة حصلت معاه من وقت التخرج وبعد ما اختفوا من حياة بعض لحد مكالمته مع باباه اللى افتكر اسم سماء اكتر من ثائر نفسه كانت سماء بتسمعه وهى مبسوطة جدا ومتحمسة اوى لكل كلامه وكان هو بيتكلم وجواه فرحة وسعادة ب انه اخيرا لقى حد يشاركه وقته وافكاره ومواضيعه اللى مش موجودة اصلا سماء...مبروووووووك اوووووووى انا فرحانة جدا انك اخيرا هتبدأ تسمح لموهبتك وفنك انهم يخرجوا من جواك وتمتع بيهم الناس..ومبسوطة اكتر ان اول فرصة ليك هتكون عالمية مش مصرية بس ده هيفرق معاك فى كل اللى جاي وهيساعدك تتعرف اسرع كمان اد ايه انا متفائلة ان اللى جاي كله هينسيك العطلة بتاعت السنين اللى فاتت انت ياثائر تستاهل كل خير بجد لأنك فنان ومجتهد وهتعمل حاجات مختلفة فعلا ..ربنا يوفقك بجد من قلبى فرحانة ليك ثائر..الله ..الله ده انتى عاقلة اهو وبتعرفي تتكلمى زى الناس الكبار هههههه كنت فاكرك مالكيش غير فى الهزار والتهريج سماء...مش هاخدها على محمل التريقة ..لكن انا ياغلس انت بحب الهزار والمرح ..لكن وقت الجد ببقى جد جدا كمان نينجا يعنى مش اى كلام ثائر..انتى جميله فى كل حالاتك وطباعك ياست سماء ..ها يلا احكيلي بقى انتى حياتك فيها ايه وماشية ازاي ارتبطتى ؟؟ حبيتى؟؟؟ اتخطبتى ؟؟؟ اشتغلتى ؟؟ كل حاجه كل حاجة متخبيش بقى سماء..بجد عايز تعرف ثائر ..اه بجد عايز اعرف كانت نظراتهم لبعض مش نظارت اتنين اصحاب لكن ثائر من جواه مش حابب يعترف ب كده وبيبرر لنفسه ان ده بس حنين لفترة طويلة فاتت واختفوا فيها من حياة بعض وقبل ماتتكلم سماء اشتغلت اغنية كانو بيحبوا يسمعوها زمان عبنا . . و دوبنا تعبنا . . و دوبنا تعبنا . . و دوبنا تعبنا . . و دوبنا فى البعد من غيرك و أنا ليا مين غيرك ياعمرنا . . يا قلبنا أنا ليا مين غيرك أنا ليا مين غيرك إزاى هننسى فى بعدنا يا عمرنا شئ كان بيجرى فى دمنا يا قلبنا إزاى هننسى فى بعدنا ... يا عمرنا شئ كان بيجرى فى دمنا ... يا قلبنا مهما إفترقنا و طال فراقنا راجعين بشوقنا لبعضنا تعبنا . . و دوبنا تعبنا . . و دوبنا تعبنا . . و دوبنا تعبنا . . و دوبنا فى البعد من غيرك و أنا ليا مين غيرك ياعمرنا . . يا قلبنا أنا ليا مين غيرك أنا ليا مين غيرك عمر اللى بينا ما إنتهى ... يا عمرنا عمرى اللى عيشته فى حبها ... يا قلبنا عمر اللى بينا ما إنتهى ... يا عمرنا عمرى اللى عيشته فى حبها ... يا قلبنا سنين حياتنا و ذكرياتنا ... أمنياتنا كلها تعبنا . . و دوبنا تعبنا . . و دوبنا تعبنا . . و دوبنا تعبنا . . و دوبنا فى البعد من غيرك و أنا ليا مين غيرك ياعمرنا . . يا قلبنا أنا ليا مين غيرك أنا ليا مين غيرك ياعمرنا . . يا قلبنا أنا ليا مين غيرك أنا ليا مين غيرك

Free reading for new users

Scan code to download app

App Store Google Play

Facebookexpand_more