الجزء السابع

1169 Words

ثائر قفل المكالمة وهو لسة مبتسم على تلقائية وطفولة صاحبة عمره اللى كان نساها مع كل الناس اللى دخلت حياته وخرجت بسرعة للدرجة دى انا منعزل ومش جدع كده مع الناس اللى كان فيه بينا ذكريات حلوة كده ناس ايه ده هى سماء بس ايه يابنى الوطينة وقلة الاصل اللى فيك دى صحيح ياواد ياثائر شكلك معقد بجد ولا ايه يلا ماعلينا بقى انا كفاية عليا كده النهاردة اقوم انام احسن قفلتلى اليوم برغيها بنت اللذينة دى اكمل بكرة بقى دخل نام ثائر بعد ما طفى تليفزيونه وسايب كل حاجه فى مكانها زى ماهى وعند سماء كانت لسة مهيبرة وبتتنطط وعاملة دوشة فى البيت قربت تزعج الجيران دخلت ام سماء لبنتها اوضتها وطفيت الاغانى الام..فى ايه يابنتى مالك انتى بتتخرجى من اول وجديد ولا ايه ؟؟ الجيران هتطلع تكرشنا من البيت انتى مش عايشة لواحدك ياستى فى ناس حوالينا سماء..بس بقى ياماما فصلتينى كنت مندمجة مع الهضبة ...ده انت ياامى عليكي حاجات تقل المزاج انما ايه محصلتش ام سماء..فصلتك..واقل مزاجك..فنانة منين انتى بقى قوليلي ياخسارة فلوسى وفلوس ابوكى فى تعليمك انا كنت دخلتك اى اصلاحية وخلصت من لماضتك دي يامغلبانى سماء..كل ده علشان فرحانالى شوية يااعداء السعادة انتم خلاص ياستى اهو مش طفيتى الهضبة واراتاحتى خلصنا يارب الجيران كده ترتاح الام بضحك..ربنا يفرحك ياحبيبتى بس مش تفرحينى معاكى ولا هو الهضبة بس اللى مسموحله يفرح وانا اللى صرفت عليكى لحد ما بقيتى طول بعرض كده اد الحيطة ماليش حق افرح حتى ب 50 جنيه سماء..عايرينى كمان عايرينى ..فاضل ايه تانى ت**رى بيه فرحتى ياست الكل بقى هى دى الامومة ياناس؟؟ بقى هى دى رمز العطاء ياخلق ياهوووو؟؟ اعمل ايه بس اصوت الناس تقول امها جننتها ؟؟ يرضيكي يقولوا على بنتك فلذة كبدك مجنونة؟؟ ام سماء..لا ياحبيبتى ميرضنيش بس للاسف دى الحقيقة وكل الناس عارفاها ههههههه لما تحبى تفرحينى معاكى تعالى احكيلي انا قاعدة مستنية الفرحة والله وبالذات بقى الفرحة اللى هتجيلي من ناحيتك يااخرة صبري سماء..ادعيييييييلى ياست الكل ادعيلي بس وانا افرحك فرحة الدنيا كلها ادعي من قلبك بس بلاش الدعوات اللى بتمشى بيهم حالك دول مش بيتصدقوا ها ادعي كده وانتى نيتك صافية بلاش الحقد والغيرة دول ياست الكل انتى الام..لا خلاص بقى انا مش هرد عليكي علشان مجيش ارميكي من البلكونة وادخل السجن فى مفعوصة زيك انا هطلع برة بقى راجعي ضميرك كده ولو قررتى تفرحينى تعالى مستنياكى سماء بضحك..حبوبتى انتي ياست الكل ياعسلية هحكيلك اكيد وانا عندي مين يعنى غيرك افرحه هنسى المعايرة بتاعتك والفضايح اللى انت عملاهالى دى وافرفش عليكي كمان ايه رأيك فيا بقى مبسوطة مني باين عليكى خرجت الام وهى بتضحك من اوضة سماء وبتقول عليه العوض ومنه العوض يارب ربنا يهد*كى ياحبيبتى انا مش عارفة انتى هتتجوزى ازاى سماء بعد خروج امها وبتتكلم بصوت يسمعها ..هتجوز زى الناس ياست الحبايب ياحبيبة كملت سماء الدوشة اللى هى عاملاها فى اوضتها وهى بتدعى يارب بقى ياثائر تحس بيا وتكون عقلت كده وعرفت ان محدش هيعبرك غيري يارب اجعله من نصيبي بقى وقعدت على السرير ايه بقى انام ولا اطلع ارغى مع الست الكل دى اللى مستنية افرحها مش عارفة انا اجيبلها فرحة منين دلوقتى مش كان ل**نى ده اتقطع قبل ما ينطق ب اي هبل وخلاص وانا لسه شوفته حتى لا انا انام علشان وشى يبقى حلو كده ومنور بكرة بدل م اروح وانا نايمة على نفسى فعلا نامت سماء من غير ماتخرج لمامتها اللى كانت مستنية تعرف ايه السبب فى ان بنتها مبسوطة بالشكل ده فات الليل وكل واحد منهم فى احلامه اللى محدش غيره يعرف عنها حاجة طلع النهار على صوت تليفون ثائر برقم والده ثائر بنوم ..الو..صباح الخير يابابا الاب..صباح النور ياحبيبي شكلك لسه نايم ..خلاص هقفل معاك ولما تصحى كلمنى بقى ثائر..ماشى يابابا هفوق كده واكلمك فتح عنيه ثائر ب**ل شاف النهار مالي الدنيا والشمس طالعه عرف انه نام وقت طويل قام دخل الحمام اخد الشاور بتاعه وخرج عمل مج النسكافيه بتاعه واكل توست مع مربى ( فطار طرى خالص ) فتح التليفزيون وسابه شغال ومسك تليفونه وخرج قعد فى بلكونة بيته قدام البحيرة والجنينة والمنظر اللى كان شكله جميل اتصل على رقم ابوه اللى رد عليه الاب..ايه يافنان نوم كده من اولها ايه بنات افكارك **لانين ولا ايه ثائر..لا والله يابابا انا كتبت جزء كبير اوى امبارح بس كنت محتاج اكمله علشان توصلك فكرة السيناريو بليل هبعتلك على الميل بتاعك الجزء اللى خلصته هستنى رأيك فيه الاب..اهو هستنى ياسيدى ..طمني عليك يومك كان ماشى ازاى ؟ ثائر محصلش جديد زى كل يوم ..الاختلاف الوحيد اللى حصل ان فيه بنت زميلتى من ايام ثانوى كلمتنى الاب..بنت زميلتك..هو انت كان ليك اصحاب غير سماء ثائر..ياه يابابا انت لسه فاكر سماء اه هى فعلا ده انا لما كلمتنى كنت ناسيها ..مش سهل انت على فكرة الاب..يعنى لما انسى ذكريات ابنى وشبابه هفتكر ايه ..وبعدين دى كانت صاحبتك الوحيدة معرفناش غيرها على مدار سنين دراستك كلها ثائر..اه ولسه هبلة زى ماهى كده انا اتفاجأت بيها الاب..دى هبلة والهل يابنى انت اللى اهبل دى بنت جميلة وجدعه وعنيها منك كمان ثائر..عنيها مني ايه بس يابابا دى زى اختى وبتعتبرنى اخوها الاب..خليك كده ضيع فى احلى سنين شبابك وانت لواحدك يلا انا هقفل علشن عندي شغل بس متنساش تبعتلى بروفة السيناريو لما تخلص النهاردة اوووعى تنسى انا بقولك اهو مستنيك بقى ثائر..لا عيب عليك يا بابا هخلص وابعتلك علطول ..يلا روح حضرتك بقى لشغلك وانا هبدأ يومى ..دعواتك..يلا مع السلامة الاب...بالتوفيق يا ثائر ربنا معاك ياحبيبي..مع الف سلامة قفل ثائر التليفون مع باباه وطلع رقم سماء وقرر يتصل بيها سماء..ايه ده الفنان العالمى بيتصل بنفسه بيا انا ؟ ثائر..صباح الخير..علطول كده متديش فرصة للجد ابدا؟؟ سماء..يييه ع الناس اللى مبتحبش الهزار دى..انا بس مصدقتش نفسي لما لقيتك بتتصل بيا ع الصبح كده ثائر..ليه يعنى احنا نطول نتصل ب ست الحسن والجمال سماء هانم ونصبح عليها سماء بفرحة...لا بقى خد قلبى مش عايزاه ..ايه الكلام الكبير ده ثائر..لا ياستى خلى قلبك معاكي انا مباخدش حاجة حد هههههه...على ميعادنا النهاردة ولا فيه تغيير سماء.. لاء على ميعادنا طبعا انا مفضيالك نفسي من قبل ما نتفق ههههههه ثائر ..يابنتى بطلي بقى ..اتقلي كده بلاش الخفة اللى انتى فيها دى هفضل اعلمك لحد امتى سماء..تانى انت ..يابنى انا واضحة وطبيعية اللى في قلبي على ل**نى لا بلف ولا بزوق الكلام مبيعجبكش انت كده بتحب الناس اللئيمة ثائر...لو بحب كده مكنتش انا وانتى فضلنا اصحاب السنين دى كلها عموما يلا بقى ياست البنات هقفل معاكى دلوقتى اخلص شواية حاجات كده واجهز واكلمك لما انزل سماء ...هيييييييح وصلنا لست البنات ..ياتقيل انت ياحلو ثائر...ههههههه يلا يامجنونة اقفلي خلصوا المكالمة سوا وكل واحد مبتسم لكن ثائر مش عارف ايه سبب ابتسامته دى ياترى بسبب انه ظهر حد فى الوقت ده يساعده على تحسين حالته المزاجية او بسبب كلام باباه انها معجبة بيه ولا بسبب تلقائيتها وطبيعيتها دى قرر انه يدخل يحلق دقنه بقى استعداد للمقابلة اللى كان متحمس لها جدا وقبل مايدخل شغل اغنية لمطربته المفضلة وابتدا يدندن معاها وهو بيحلق بروقان طل و سألني اذا نيسان دق الباب خبيت وجيي و طار البيت في و غاب حبيت افتحلو عالحب اشرحلو طليت ما لقيت غير الورد عند الباب بعدك على بالي يا قمر الحلوين يا زهرة بتشرين يا دهبي الغالي بعدك على بابي يا حلو يا مغرور يا حبق و منتور على سطح العالي مرق الصيف بمواعيدو و الهوى لملم عناقيدو و ما عرفنا خبر عنك يا قمر و لا حدا لوحلنا بإيدو بتطل الليالي و بتروح الليالي و بعدك على بالي

Free reading for new users

Scan code to download app

App Store Google Play

Facebookexpand_more