Hindi mapakali si Bia kanina pa siya palakad-lakad sa loob ng kuwarto ni Jeric, kinakabahan at naguguluhan na sa gagawin niya. Mabigat ang hangin sa loob ng kuwarto at pakiramdam niya kakapusin siya ng hininga. Bukas babalik ang magulang ni Jeric at kailangan meron na siyang handang dahilan para hindi sila mapaalis sa bahay na iyon dahil tiyak niya na oras na umalis siya sa poder ni Jeric mag sisimula ang kalbaryo at kahihiyan niya.
Pero ang katahimikang iyon—punong-puno ng galit.
Huminga ng malalim si Bia na napahinto at napatingin sa anak na mahimbing na natutulog sa kama. Kamukhang-kamukha niya ang baby niya, merong konting nakuha sa tunay nitong ama na feature kaya nakahinga siya ng maluwag kahit papaano ng makita ito ng unang beses. Sa unang tingin iisipin talaga na anak ito ni Jer
