ZIANNA
Hindi ko nakatabi matulog si Redd sa kwarto. Hinintay ko siyang pumasok pero nakatulog na lang ako sa paghihintay sa kanya ay wala pa ring Reddellion Stone ang nagpakita at tumabi sa akin.
Paggising ko ay kaagad siya ang hinanap ng mata ko. Hindi ko siya nakita sa sala kaya sa kusina naman ako nagpunta. Napangiti ako ng makita ko siyang tahimik na nagka-kape, pero agad ding naglaho ang ngiti ko dahil hindi man lang niya ako tinapunan ng tingin. Sigurado naman ako na napansin niya ang presensya ko pero nakatuon lang ang mata niya sa phone niya.
Pasimple akong nagbuga ng hangin at malalim na bumuntong-hininga para humugot ng lakas ng loob. Kakausapin ko siya, gusto ko malinawan kung saan siya nagalit sa sinabi ko. Pero bago pa man bumuka ang bibig ko para magsalita ay tumayo siya
