ZIANNA
Dahan-dahan kong tinanggal sa tapat ng tainga ko ang phone habang hindi makapaniwalang titig na titig sa kanya. Para akong nakakita ng multo ng tumambad siya sa harapan ko. Let's say alam na niya ang address ko dahil boss ko siya, na kaya niya nalaman kung saan ako tumutuloy dahil tumingin siya background information ko. At kampante ako na hindi niya ako pupuntahan dahil sinabi ko ng hindi ako pupunta sa kanya. Pero hindi ko inaasahan na papunta na pala siya, na ako pala ang pupuntahan niya. s**t, hindi ako naging handa sa pagpunta niya kaya ngayon ay labis-labis ang kaba sa dibdib ko.
"A-ano'ng ginagawa mo rito, Redd?" kabadong tanong ko.
"Isn't it obvious that I want to see you?" Bumaba ang mata niya kung saan nakahawak ang kamay ko kaya agad ko ito tinanggal sa tagiliran ko.
