LIESELOTTE
HINDI ko alam kung ilang beses na ako napa-wow habang naglalakad papasok sa isang private hotel na pagdarausan ng birthday ni walking labanos. Kasama ko pa rin sina Boss Caius, Sir Cascade, Sir Cali, Kabuteng Hunter at si Dana na naglalakad sa loob ng venue. Pakiramdam ko tuloy nanliliit ako, hindi dahil maliit talaga ako kumpara sa kanila kundi dahil sinasampal ako ng kahirapan.
Napaigtad ako nang hawakan ng pangisi-ngising si Hunter ang baba ko para maisara ang aking bibig. Tinitigan ko siya nang matalim at inirapan saka muling ibinaling ang tingin sa paligid. Habang naglalakad ay nararamdaman ko naman ang mga mapanghusgang tingin sa akin ng ibang bisita pero dahil natural na sa akin ang makapal ang mukha ay keber na. Mamatay silang judgemental.
“Caius?”
Sabay-sabay kamin
