LIESELOTTE
ILANG ORAS na nang makaalis si Attorney Alexis Montreal ay masama pa rin ang timpla ni Caius. Hindi niya ako kinakusap at hindi na nawala ang nakasimangot na reaksyon ng kaniyang mukha. Napapailing akong napabuntong-hininga at akmang magsasalita nang bumukas naman ang pinto at iniluwa sina Cascade, Cali, Dana, at si Hunter na mukha pa lang niya naiirita na ako. May mga dala silang bulaklak at mga prutas.
“Hi, Lotte! Kumusta ka? Congrats sa unang na-accomplish mong misyon. Ang galing mo,,” bati ni Cali at sumaludo kay Caius na tinanguan lang ng isa.
“Galing mo, Lotte,” bati rin ni Cascade na nakangiti. “Paano mo nalaman ang secret hideout ng mga iyon? Alam mo bang nang dahil sa 'yo ay maraming magulang ang kahit papaano ay napapasalamat dahil maipapalibing nila nang maayos a
