Chapter 23
LINCY
Sobra ang galit ni Freya nang marinig niya ang sabi ni Nanay tungkol sa scholarship. Ang kapal ng mukha niyang tawagin akong makamandag na ahas. Pasalamat siya dahil hindi ko puwedeng ipagsabi ang totoo dahil sa kalagayan ko. Darating rin ang araw na mabubuking rin ang lahat ng kasinungalingan niya. Nagsimula na akong maghakot ng mga damit sa kwarto. Hindi ko na kinausap pa si Andrew dahil alam ko namang ipagtatanggol lang niya ang babaeng iyon.
Huling maliit na kahon na lang ang bubuhatin ko nang madatnan ko si Freya na nakaabang sa akin. Nagkunwari akong hindi siya nakikita. Bahala siyang ma-stroke sa galit sa akin.
"Huwag kang magbulag-bulagan diyan at harapin ako," hamon nito sa akin. Nagkunwari pa rin akong walang narinig at dumiretso pa rin sa paghakot. Nagali
