NAGING puspusan ang trabaho ko kinabukasan. Bago mag-tanghalian ay mabilis na kaming nakapag-meeting. Bakas sa mukha ni Miss Yna ang tuwa dahil na-meet namin ang deadline. Kailangan lang naming ipagpatuloy iyon upang stay updated ang aming mga data hanggang sa bisitahin kami ng bagong CEO. Actually, hindi naman talaga kami nahuhuli pagdating sa deadline ng trabaho. Marami lang kaming inasikaso dahil sa pagbulusok din ng pag-angat ng TAC. Hindi maitatangging maganda ang status ng company and of course, dahil magkakaroon ng bagong CEO, lahat ng department ay nais magpa-impress.
“Hindi ka ba sasabay sa amin?” tanong ni Jessica habang nagliligpit ng sariling gamit. “Sakto, lunch na rin.”
“Magkita na lang tayo bukas. M-may nakita na kasi akong dress na pupuntahan ko rin ngayon. Magkaiba tayo
