“Ay bagay sa’yo ‘to, Tan,” kumikinang ang mga matang sabi ng dalaga habang nakatingin sa pink shirt sa estante ng isa sa mga shop sa mall. Pentelshoppe & Co ang pinasukan nilang shop at ito ang isa sa mga kilalang store sa mall na iyon.
“Bakit? Ililibre mo’ko?” Nagtaas-baba ang mga kilay ni Tantan habang nakatingin sa kaniya. Pilyong ngiti pa ang itinapon nito sa dalaga na animo’y nanunuya na bilhan siya nito damit na iyon.
“Ako na nga ang pumili ng shirt na bagay sa’yo pagkatapos ay ako pa ang gagastos?” Naka-arko ang kilay na sabi niya sa binata.
“Parang may mali naman yata ro’n,” dugtong pa ng dalaga na pilit ipinaglalaban na dapat ay ang binata bumili ng sarili nitong damit.
“Aba, siyempre naman. Walang kuwenta ang opinyon mong bagay sa’kin kung hindi ko rin naman maisusuot iyon,”
