Maghapong tulala si Hazel sa computer. Hindi niya magawang magtanong kay Greg. Sino ba siya? Girlfriend ba siya nito? Wala nga silang label. Ano? Nahalikan lang sila na kaagad? Hindi na niya hihintayin ang binata. Nagpaalam na lamang siya rito na uuwi na lang.
“Sir, naalala ko na may gagawin pala ako sa bahay. Mauuna na lang ako,” sambit ni Hazel.
“Are you sure? Ihatid na kita. Balik na lang ako rito sa office after,” alok ng binata. Nag-aalala siya sa pagbabago ng mood ng dalaga. Tila ba may sakit ito. Tumayo si Greg para salatin ang noo ng dalaga ngunit umatras naman ito.
“Wala akong lagnat. Ayos lang ako,” sambit ni Hazel. Sa tono nito ay tila may sakit ito ngunit kaiba sa namutawi sa labi nito.
“Paano? So, daanan na lang kita mamaya for dinner?” Umiling si Hazel.
“Okay lang ba na
